Ishq Karte Hain Us Pari-Ru Se

Ishq Karte Hain Us Pari-Ru Se

‘Mir’ Sahaab Bhi Kya Deewane Hain

عشق کرتے ہیں اس پری رو سے

میرؔ صاحب بھی کیا دوانے ہیں

Kuch Nahi Sujhta Humai Us Bin

Kuch Nahi Sujhta Humai Us Bin

Shauq Ne Hum Ko Be-Hawas Kya

کچھ نہیں سوجھتا ہمیں اس بن

شوق نے ہم کو بے حواس کیا

Ajnabi Ki Nazar Se Nazar Na Milao

Ajnabi Ki Nazar Se Nazar Na Milao

Nazaron Se Aashiq Deewane Huye,

Apno Ki Nazar Ko Nazar Bhi Na Aao

Dekhte Dekhte Apne Bigane Huye,

Apni Hee Nazar Mein Nazar Band Ho Jao

Nazar e Bad Se Gulshan Weerane Huye

Mein Bhi Bohat Ajeeb Hun Itna Ajeeb Hun Keh Bas

Mein Bhi Bohat Ajeeb Hun Itna Ajeeb Hun Keh Bas
Khud Ko Tabah Kar Liya Aur Malal Bhi Nahi

دل ناداں تجھے ہوا کیا ہے

دل ناداں تجھے ہوا کیا ہے 

آخر اس درد کی دوا کیا ہے 

ہم ہیں مشتاق اور وہ بیزار 

یا الٰہی یہ ماجرا کیا ہے 

میں بھی منہ میں زبان رکھتا ہوں 

کاش پوچھو کہ مدعا کیا ہے 

جب کہ تجھ بن نہیں کوئی موجود 

پھر یہ ہنگامہ اے خدا کیا ہے 

یہ پری چہرہ لوگ کیسے ہیں 

غمزہ و عشوہ و ادا کیا ہے 

شکن زلف عنبریں کیوں ہے 

نگہ چشم سرمہ سا کیا ہے 

سبزہ و گل کہاں سے آئے ہیں 

ابر کیا چیز ہے ہوا کیا ہے 

ہم کو ان سے وفا کی ہے امید 

جو نہیں جانتے وفا کیا ہے 

ہاں بھلا کر ترا بھلا ہوگا 

اور درویش کی صدا کیا ہے 

جان تم پر نثار کرتا ہوں 

میں نہیں جانتا دعا کیا ہے 

میں نے مانا کہ کچھ نہیں غالبؔ 

مفت ہاتھ آئے تو برا کیا ہے

آہ کو چاہیے اک عمر اثر ہوتے تک

آہ کو چاہیے اک عمر اثر ہوتے تک 

کون جیتا ہے تری زلف کے سر ہوتے تک

دام ہر موج میں ہے حلقۂ صد کام نہنگ 

دیکھیں کیا گزرے ہے قطرے پہ گہر ہوتے تک 

عاشقی صبر طلب اور تمنا بیتاب 

دل کا کیا رنگ کروں خون جگر ہوتے تک 

تا قیامت شب فرقت میں گزر جائے گی عمر 

سات دن ہم پہ بھی بھاری ہیں سحر ہوتے تک 

ہم نے مانا کہ تغافل نہ کرو گے لیکن 

خاک ہو جائیں گے ہم تم کو خبر ہوتے تک 

پرتو خور سے ہے شبنم کو فنا کی تعلیم 

میں بھی ہوں ایک عنایت کی نظر ہوتے تک 

یک نظر بیش نہیں فرصت ہستی غافل 

گرمیٔ بزم ہے اک رقص شرر ہوتے تک

غم ہستی کا اسدؔ کس سے ہو جز مرگ علاج 

شمع ہر رنگ میں جلتی ہے سحر ہوتے تک