Tujh Se To Koi Gila Nahi Hai
Qismat Mai Meri, Sila Nahi Hai
Bichrey To Najane Haal Kiya Ho
Jo Shakhs Abhi Mila Nahi Hai
Jeene Ki Aarzoo Hi Kab Thi
Marne Ka Bhi Hosla Nahi Hai
Jo Zeest Ko Motabar Bana De
Aesa Koi Silsila Nahi Hai
Khushboo Ka Hisaab Ho Chuka Hai
Aur Phool Abhi Khila Nahi Hai
Sarshaari Rehbari Mai Dekha
Peeche Mere Qaafla Nahi Hai
Ik Thes Pe Dil Ka Phoot Behna
Choone Mai To Aabla Nahi Hai!
(Parveen Shakir)
