Qurbat bhi nahin dil se utar bhi nahin jata

Qurbat bhi nahin dil se utar bhi nahin jata,
Woh shakhss koi faisla kar bhi nahin jata,
Ankhen hain ke khaali nahin rehti hain lahuu se,
Aur zakham-e-judai hai ke bhar bhi nahin jata,
Woh rahat-e-jaan hain magar is darbadri main,
Aesa hai ke ab dheyaan udhar bhi nahin jata,
Hum dohri aziyat ke giraftaar musaafir,
Paaon bhi hain shall shauq-e-safar bhi nahin jata,
Dil ko teri chahat pe bharosa bhi bohat hai,
Aur tujh se bicharr jaane ka ddar bhi nahin jata,
Pagal huye jaate ho ‘faraz’ us se mile kya,
Itni si khushi se koi mar bhi nahin jata.

Main yeh kis ke naam likhoon jo alam guzr rahe hain

Main yeh kis ke naam likhoon jo alam guzr rahe hain,
Mer shehr jal rahe hain mere log mar rahe hain,
Koi ghuncha ho ke gul ho koi shaakh ho shajar ho,
Woh havaa-e-gulistaaan hai ke sabhi bikhar rahe hain,
Kabhi rehmaten thiin naazil isi khitta-e-zameen pr,
Wohi khitta-e-zameen hai ke azaab utar rahe hain,
Wohi taayeron ke jhurmatt jo havaa main jhoolte thay,
Woh fazaa ko dekhte hain to ab aaah bhar rahe hain,
Barri aarzuu thi hum ko naye khawb dekhne ki,
So ab apni zindagi main naye khawb bhar rahe hain,
Koi aur to nahin hai pas-e-khanjjar-azmaayi,
Hameen qatal ho rahe hain hameen qatal kar rahe hain..

 

Halat-e-haal ke sabab halat-e-haal hi gayi

Halat-e-haal ke sabab halat-e-haal hi gayi,
Shauq main kuch nahin geya shauq ki zindagi gayi,
Tera firaaq jan-e-jan aish tha kya mere liye,
Yaani tere firaaq main khoob sharab pee gayi,
Tere visaal ke liye apne kamaal ke liye,
Halat-e-haal dil ke thi kharaab aur kharaab ki gayi,
Us ki umeed-e-naaz ka hum se yeh maan tha ke aap,
Umar guzaar dijiye umar guzaar di gayi,
Ek hi haadsa to hai aur woh ke aaj tak,
Baat nahin kahi gayi baat nahin suni gayi,
Baad main tere jan-e-jan dil main raha ajab samaan,
Yaad rahi teri yahan phir teri yaad bhi gayi,
Us ke badan ko numuud hum ne sukhan main aur phir,
Us ke badan ke vaastay aik qabaa bhi see gayi,
Mina-ba-mina maiy-ba-maiy jam-ba-jam jam-ba-jam,
Naf piyaale ki teri yaad ajab sahi gayi,
Kehni hai mujh ko ek baat aap se yaani aap se,
Aap ke shehere-vassl main lazzat-e-hijar bhi gayi,
Sehn-e-khayal -e-yaar main ki na bassar shab-e-firaq,
Jab se woh chaand na geya jab se woh chaandni gayi..

Shauq main kuch nahin geya shauq ki zindagi gayi,
Tera firaaq jan-e-jan aish tha kya mere liye,
Yaani tere firaaq main khoob sharab pee gayi,
Tere visaal ke liye apne kamaal ke liye,
Halat-e-haal dil ke thi kharaab aur kharaab ki gayi,
Us ki umeed-e-naaz ka hum se yeh maan tha ke aap,
Umar guzaar dijiye umar guzaar di gayi,
Ek hi haadsa to hai aur woh ke aaj tak,
Baat nahin kahi gayi baat nahin suni gayi,
Baad main tere jan-e-jan dil main raha ajab samaan,
Yaad rahi teri yahan phir teri yaad bhi gayi,
Us ke badan ko numuud hum ne sukhan main aur phir,
Us ke badan ke vaastay aik qabaa bhi see gayi,
Mina-ba-mina maiy-ba-maiy jam-ba-jam jam-ba-jam,
Naf piyaale ki teri yaad ajab sahi gayi,
Kehni hai mujh ko ek baat aap se yaani aap se,
Aap ke shehere-vassl main lazzat-e-hijar bhi gayi,
Sehn-e-khayal -e-yaar main ki na bassar shab-e-firaq,
Jab se woh chaand na geya jab se woh chaandni gayi..

Mujh sa koi jahan main nadaan bhi na ho

Mujh sa koi jahan main nadaan bhi na ho,
Kar ke jo ishq kehta hai nuqsaan bhi na ho..

Subaah hoti hai shaam hoti hai

Subaah hoti hai shaam hoti hai,
Umar yuun hi tamaam hoti hai.

Khaak thi aur jism-o-jaan kehte rahe

Khaak thi aur jism-o-jaan kehte rahe,
Channd eeentton ko makaan kehte rahe..

Jo guzaari na ja saki hum se

Be-qaraari si be-qaraari hai,
Vasl hai aur firaaq taari hai,
Jo guzaari na ja saki hum se,
Hum ne woh zindagi guzaari hai,
Nagharey kya huye ke logon pr,
Apna saaya bhi ab to bhaari hai,
Bin tumhare kabhi nahin aayi,
Kya meri neend bhi tumhari hai,
Aap main kaise aaaon main tujh bin,
Saans jo chal rahi hai aari hai,
Uss se kahiyo ke dil ki galiyon main,
Raat din teri intezaari hai,
Hijr ho ya visaal ho kuch ho,
Hum hain aur us ki yadgaari hai,
Ik mehak samt-e-dil se aayi thi,
Main yeh samjhaa teri savaari hai,
Haadson ka hisaab hai apna,
Warna har aaan sab ki baari hai,
Khush rahe tu ke zindagi apni,
Umar bhar ki umeed-vaari hai..

Sitaaron se agay jahan aur bhi hain

Sitaaron se agay jahan aur bhi hain,
Abhi ishq ke imtihaan aur bhi hain,
Tahi zindagi se nahin yeh fazaayen,
Yahan sainkrron kaarwaan aur bhi hain,
Qanaaat na kar aalam-e- rang-o-buu pr,
Chaman aur bhi aashiyaan aur bhi hain,
Agar kho geya ik nasheman to kya gham,
Maqamaat aah-o-faghaan aur bhi hain,
Tu shaaheen hai parvaaz hai kaam tera,
Tere saamne aasmaan aur bhi hain,
Isi roz-o-shab main ulajh kar na reh ja,
Ke tere zamaan-o-makaan aur bhi hain,
Gaye din ke tanhaa tha main anjumann main,
Yahan ab mere raazdaan aur bhi hain..

Tere aane ka dhoka sa raha hai,

Tere aane ka dhoka sa raha hai,
Diya sa raat bhar jaltaa raha hai,
Ajab hai raat se ankhon ka aalam,
Yeh dariyaa raat bhar charrhta raha hai,
Suna hai raat bhar barsaa hai baadal,
Magar woh sheher jo pyaasa raha hai,
Woh koi dost tha ache dinon ka,
Jo pichli raat se yaad aa raha hai,
Kise dhoondo ge in galiyon main “nasir”,
Chalo ab ghar chalen din ja raha hai..

Zabre kar ke hansi ko bhool geya, Main to us zakhm hi ko bhool geya,

Zabre kar ke hansi ko bhool geya,
Main to us zakhm hi ko bhool geya,
Zaat-dar-zaat hamsafar reh kar,
Ajnabi ajnabi ko bhool geya,
Subh tak vajh-e-jaan-kani thi jo baat,
Main usay shaam hi ko bhool geya,
Ehd-e-vabastagi guzaar ke main,
Vajh-e-wabastagi ko bhool geya,
Sab daleelen to mujh ko yaad rahin,
Behss kya thi ussi ko bhool geya main,
Kyun na ho naaz is zehaanat par,
Ek main har kisi ko bhool geya,
Sab se pur-amn waaqiya hai yeh,
Aadmi aadmi ko bhool geya,
Qehqaha maartay hi deewana,
Har gham-e-zindagi ko bhool geya,
Kya qayamat hui agar ik shakhss,
Apni khush-qismati ko bhool geya,
Sab buray mujh ko yaad rehte hain,
Jo bhalaa tha usii ko bhool geya,
Un se vaada to kar liya lekin,
Apni kam-fursati ko bhool geya,
Khawb-ha-khawb jis ko chaha tha,
Rang-ha-rang ussi ko bhool geya,
Bastiyo ab to rasta dedo,
Ab to main us gali ko bhool geya,
Us ne goya mujhi ko yaad rakha,
Main bhi goya usi ko bhool geya,
Yaani tum woh ho waqeyi ? Hadh hai,
Main to sach-much sabhi ko bhool geya,
Ab to har baat yaad rehti hai,
Ghaliban main kisi ko bhool geya,
Us ki khushiyon se jalne wala Jaun,
Apni eeza-dahi ko bhool geya..

Us ne sukuut-e-shab main bhi apna payaam rakh diya

Us ne sukuut-e-shab main bhi apna payaam rakh diya,
Hijr ki raat baam pr mah-e-tamaam rakh diya,
Aamad-e-dost ki naveed ku-e-wafaa main aam thi,
Main ne bhi ik charaagh sa dil sar-e-shaam rakh diya,
Shiddat-e-tishnagi main bhi ghairat-e-mai-kashi rahi,
Us ne jo phair li nazar main bhi jaam rakh diya,
Us ne nazar nazar main hi aise bhale sukhan kahe,
Main ne to us ke paaon main sara kalaam rakh diya,
Dekho yeh mere khawab they dekho yeh mere zakham hain,
Main ne to sab hisaab-e-jan bar-sar-e-aam rakh diya,
Ab ke bahaar ne bhi keen aesi sharaarten ke bas,
Kabk-e-dari ki chaal main tera khiraaam rakh diya,
Jo bhi mila usi ka dil halqa ba-gosh-e-yaar tha,
Us ne to saare sheher ko kar ke ghulaam rakh diya,
Aur faraz chahiyen kitni mohabten tujhe,
Maaon ne tere naam pr bachon ka naam rakh diya..

Raah-e-duur-e-ishq main rota hai kya,

  Raah-e-duur-e-ishq main rota hai kya,
Aage aage dekhiye hota hai kya,
Qaafile main subh ke ik shor hai, Yaani ghaafil hum chale sota hai kya,

Sabzz hoti hi nahin yeh sarzameen, Tukhm-e-khawish dil main tu bota hai kya,
Yeh nishaan-e-ishq hain jaate nahin, Daaagh chaati ke abass dhota hai kya,
Ghairat-e-yusuf hai yeh waqt-e-aziz,
Meer is ko raayegan khota hai kya..

Bewafa Ne Hamare Zakham Ka Kuch Youn

Bewafa Ne Hamare Zakham Ka Kuch Youn Ikaj Kya Faraz
Marhan Bhi Lagaya To Khanjar Ki Nouk Se